Kominote entènasyonal la te make prezans li pou asiste seremoni enstalasyon Premye Minis Joute Jospeh mèkredi 4 mas 2020 an nan Palè Nasyonal.
E nan yon not ki pibliye sou paj Twitter Anbasad Amerikèn nan ann Ayiti, otorite ameriken yo fè konnen peyi Etazini pare pou l travay ak gouvènman ki pral monte ansanm ak Premye Minis la.
Etazini mande gouvènman ayisyen an pou l satisfè bezwen popilasyon an. Not la kontinye pou l di," L ap rive fè l si l atake prese-prese pwoblèm ki gen rapò ak sekirite e si l chèchè relanse kwasans ekonomik la touswit."
Nòt la kontinye pou di gouvènman an ap fè sa tou si l chèche òganize san pèdi tan eleksyon lejislatif ki lib, ki pa gen paspouki e ki kredib osito li teknikman posib.
Premye minis Joute Joseph bò kote pal tou nèf la te pale ak yon ton fèm pou di manm administrasyon li an pou yo angaje yo nan travay prese prese pou bay rezilta moun ap tann nan men gouvènman.
Lokatè Primati a te abode dosye sekirite peyi a kote yon fenomèn kidnapin kontinye kreye panik nan mitan popilasyon an ak tantativ swadizan echwe lapolis pou te eseye kwape bandi nan vilaj de Dieu kap fè lapli e lebotan nan Potoprens. Premye minis Joseph di li pral travay pou garanti sekirite nan peyi a.
Sepandan, branch opozisyon radikal la kontinye rejte apèl dyalog pouvwa egzekitif la swa pou negosye ou patisipe nan fomasyon yon nouvo gouvènman.