Otorite Ameriken yo di yon tès zam Ris kreye fatra nan lespas ki menase 7 astronot ki abò Stasyon Spasyal Entènasyonal la.
Depatman d'Eta konfime Lendi ke debri a se restan yon ansyen satelit Ris ke peyi a detwi ak yon atak ak misil.
Chèf la NASA (Ajans Spasyal Nasyonal Etazuni an) deklare li vekse a mò ke gouvenman Ris la fe yon tès konsa.
Responsab Ris yo bò kote pa yo rejte akizasyon ki di kòm kwa yo ta mete an danje lavi astronòt yo. Ministe Defans Ris la konfime Madi ke vreman vre li te fe yon esè e ke yo detwi yon ansyen satelit ak yon misil, men li ensiste pou di "Etazuni konnen ke debri ki rete pa poze kounyea e pap poze nan lavni yon menas pou stasyon spasyal yo, ni navet yo, ni aktivite kap fèt nan lespas. Li ajoute komantè Etazuni yo ipokrit.
Sepandan Chef L'Otan an, (Oganizasyon Trete Atlantik Nò a) limenm dakò ak Etazuni ke zak la Risi poze a reprezante yon menas pou stasyon spasyal la.
Astwonòt yo te pran refij nan kapsul yo pandan 2 zed tan Lendi, apre yo te aprann nouvèl sou menas sa a. Pi ta, Kontwòl Misyon an te mande yo fèmen pòt kapsul endivisyel yo kòm mezi prekosyon.
Gen 4 Ameriken, yon Alman ak 2 Ris abò Stasyon Spasyal Entènasyonal la aktyèlman.