Anbasad Etazini nan Pòtoprens pibliye yon mesaj sou kont Twitter li Dimanch 18 Septanm kote li eksprime sipò li pou manifestasyon kap fèt an Ayiti, men li kondane zak vyolans ak piyaj yo.
Anbasad la di: "Dwa pou rasanble ak manifeste fondamantal pou tout demokrasi. Sepandan, Etazini kondane sevèman zak vyolans, piyaj ak destriksyon ki fèt an Ayiti, ak moun ki te òganize evenman sa yo pou rezon pèsonèl."
Mesaj la kontinye pou di: "Nou lanse apèl bay Ayisyen yo pou yo eksprime opinyon yo pasifikman epi yon fason ki respekte aktè imanitè yo ak otorite yo epi pèmèt pèp la gen aksè lib ak manje, dlo epi swen medikal.
"Depi mwad Desanm nan patnè entènasyonal yo ak oganizasyon yo mobilize pou kontribye plis pase $294 milyon pou Ayiti; sepandan gen bezwen ijan pou plis sipò, pami yo kontribsyon nan Basket Fund Sekirite Nasyonzini an ke Canada te tabli sa pa gen lontan.
"Nou anouraje tout entèlokitè Ayisyen yo pou yo jwenn yon antant politik ki enkliziv pou ke eleksyon ka dewoule osito ke kondisyon yo pwopis. Ayisyen toupatou nan tout kouch sosyete a dwe kreye kondisyon kap pèmèt yon gouvènman ki eli demokratikman monte sou pouvwa a pi vit posib.
"Etazini rete fèm kom patnè Ayiti e nou kontinye pran angajman pou apiye pèp Ayisyen an nan moman difisil sa a."