Egzamen pou vin yon sitwayen Ameriken ap chanje. Otorite yo atann yo aske nouvo tès la kòmanse sèvi ane pwochèn.
Pami chanjman yo pwopoze yo, gen yon nouvo seksyon lang Angle ak yon nouvo fòma kote wap dwe chwazi pami plizyè chwa nan seksyon sivik la.
Gen kèk imigran ak militan ki gen kè sote pou chanjman yo pa lakoz moun ki pa pale Angle byen bwè luil.
Gen anpil imigran ki toujou gen kè sote apre administrasyon ansyen Prezidan Repibliken Donald Trump la te fè tès la vin pi long e pi difisil pou pase an 2020.
An 2021, Prezidan Demokrat Joe Biden te pase lòd pou Etazini wetire baryè ki anpeche moun vin sitwayen Ameriken, e li te chanje egzamen sitwayènte a pou reprann vèsyon yo te deplwaye an 2008 la.