Ansyen Palmantè eta Ilinwa, Aaron Schock, ki te yon etwal ki t ap monte nan pati Repibliken an, tonbe jedi 10 novanm 2016 la anba plizyè akizasyon federal kòmkwa li ta fè koken pou l mete lajan nan pòch li nan djòb leta a.
Misye Schock, ki gen 35 lane, te demisyonen nan pòs li ane pase, pandan ajan federal t ap ankete sou akizasyon ki sou do l pou depans li ki soulve kesyon, tankou jan li redekore biwo li nan Kongrè a tankou yon Abbey. Anplwaye biwo li di jounal Washington Post ke yon konpayi te fè travay la gratis.
Yon kondanasyon pou sèlman yon akizasyon fwòd nan transfè lajan mache ak yon santans prizon ki ka rive jiska 20 lane prizon. Li gen pou l parèt devan tribinal 21 Novanm k ap vini an.