Ministè Agrikilti Resous Natirel ak Developman Riral atravè direksyon Jeneral Adjwent Pwoteksyon Sanitè lanse yon kanpay vaksinasyon kont maladi raj pou anviwon 180 mil chyen nan tout Depatman Latibonit la.
Nan Kad kanpay sa a ki demare lendi 14 aout 2017 la e kap dire enviwon yon mwa, Direkte Depatmantal Ministè Agrikilti Latibonit la, Agwonòm Renaud Gene, fè konnen yo mobilize plis pase 100 brigadye san konte materyèl tankou machin, glasyè ak megafòn pou ajan kapab sansibilize popilasyon an yon fason pou yo mennen chyen yo vin pran vaksen.
Se Sant Prevansyon Kontwòl maladi CPC ki baze Ozetazini kap finanse kanpay sa a pou yon montan 100 mil dola ameriken , e kap reyalize tou nan Depatman Sant la.
Dr. Max Milien Francois ki nan Direksyon Jenerale Adjwen Pwoteksyon Sanitè a di li kwè se yon obligasyon pou pwopryetè chyen yo mennen yo vaksinen pou proteje tèt pa yo tou kont maladi raj la.
Selon responsab Ministè Agrikilti a, apre Lwès, Latibonit se 2èm depatman nan peyi a ki gen plis moun ak zannimo kap viv ladan.