WASHINGTON, DC —
Madam Robin Diallo, Minis Konseye nan anbasad amerikèn nan Pòtoprens e No. 2 nan misyon diplomatik la, fè konnen Lèzetazini pa p apiye Prezidan ayisyen an, Jovenel Moise, men pito enstitisyon demokratik peyi a.
Diplomat la, ki t ap patisipe nan yon atelye fòmasyon Sèvis Kreyòl Lavwadlamerik la ap òganize, an kolaborasyon ak anbasad amerikèn nan, pou afilye li genyen nan divès vil sou tèritwa aysyen an, presize Prezidan Moise te eli demokratikman e oken tribinal poko akize li pou koripsyon. Daprè Minis Konseye a, Lèzetazini swete lajistis va panche l sou dosye Lasalin nan, chache koupab yo epi fè yo konparèt devan lajistis.