Reuters
26 avril 2021
Yon vag kidnapping ap fè ravaj ann Ayiti. Men, menm nan yon peyi ki abitye ak anlèvman terib, ka Olslina Janneus ki gen laj senk ane te pwovoke eskandal.
Yo te pran Olslina nan lari kapital la Pòtoprens nan fen mwa janvye pandan li tap jwe. Kadav timoun nan, ki gen sanble l te trangle, te parèt yon semèn pita, dapre manman li, Nadege Saint Hilaire ki se yon machann pistach ki te di li pa t kapab peye ranson an ki se 4 mil dola. Saint Hilaire tap kriye e pandan l tap pale nan radio lokal kote l t ap chèche èd pou ranmase lajan pou fè fineray la.
Saint Hilaire trouve l nan kache apre li fin resevwa menas lanmò, nan men gang ki touye pitit fi li a. Li di ajans nouvel Reuters "Mwen pa’t sipoze ale nan radyo pou denonse sa ki te pase a".
Fòs polis nasyonal Ayiti a pa t reponn yon demann pou l fè kòmantè. Prezidan Jovenel Moise te di plizyè fwa ke gouvènman li an ap fè tout sa li kapab, e li mete plis resous nan efò pou konbat kidnapping. Toujou, li rekonèt piblikman 14 avril ke "kidnapping yo vin jeneralize" e ke efò sa yo pou konbat ensekirite kap pèsiste a pa “efikas."