Prezidan ameriken an, Joe Biden, Sekretè Deta Antony Blinken, Minis Defans la, Lloyd Austin, ak divès manm Kongrè a -demokrat kou repibliken- rann temwayaj pou di avèk lanmò Jeneral Powell Lèzetazini pèdi youn nan ameriken ki travay plis pou fè fyète peyi a tout jenerasyon mete ansanm.
WASHINGTON D.C. —
Jeneral Colin Powell --ki se premye nwa-ameriken ki okipe pòs Sekretè Deta, swa Minis Afè Etranjè Lèzetazini, e ki se yon ansyen kòmandan an chèf wotetamajò fòzame ameriken yo-- mouri nan kòmansman jounen lendi 18 oktòb 2021 an anba konplikasyon ki asosye ak maladi KOVID-19. Li te genyen 84 an.
Klike sou lyen ki pi devan an pou w suiv yon rezime lavi ak karyè Jeneral Powell avèk Lyonel Desmarattes.
