Ozetazini, kandida demokrat nan kous a la prezidans la, Hillary Rodham Clinton, ankouraje elektè yo pou yo pa sede devan laperèz politik. Madam Clinton -ki tap fè diskou ki mete fen nan konvansyon nasyonal pati a nan Filadèlfi, nan Eta Pennsylvani-- promèt pou l ini peyi a e fè l avanse pou pi devan si se li ki ranpòte eleksyon an nan mwa novanm nan.
Chlesea ak manman li, Hillary, aprè diskou kote Madam Clinton aksepte ofisyèlman nominasyon pati demokrat la.
Nan mitan diskou a, Hillary Clinton di se yon gwo plezi e yon kokenn onè pou li aksepte ofisyèlman nominasyon pati demokrat la. Se Chelsea Clinton --pititfi kandida a ak 42èm prezidan ameriken an, Bill Clinton-- ki te entwodui Madam Clinton sou podyòm nan. Kandida demokrat la pral fè fas ak rival repibliken li a, Donald Trump.
Your browser doesn’t support HTML5
Repòtaj Serge Michel sou 4èm e dènye jounen konvansyon pati demokrat la nan vil Filadelfi, Pennsilvani.
Klike sou lyen anlè a pou w suiv yon repòtaj anvwaye espesyal nou, Serge François Michel, sou denye jou konvansyon nasyonal pati demokrat la.