Politik

Schumer: Sena a Pwal Vote Byen Bonè Nan Ane 2022 sou Plan Depans Pwoteksyon Sosyal

  • Ekip Sèvis Kreyòl VOA

FILE - Senate Majority Leader Chuck Schumer talks to reporters about his efforts to advance their expansive social and environment bill, following a Democratic policy meeting at the Capitol in Washington, Dec. 14, 2021.

Lidè Majorite Sena Etazini an Chuck Schumer fè konnen jodi lendi a Sena a pwal vote byen bonè nan ane k ap vini an sou plan depans pwoteksyon sosyal Joe Biden nan, e li di gen bezwen pou pouse pou pi devan apre yon Demokrat fin fè konnen li pa te ka sipòte plan an.

Nan yon lèt li voye bay kòlèg Demokrat yo, Schumer moutre jan manm caucus li yo fristre e desu lè Senatè eta Wès Vijini, Joe Manchin, kanpe kont pwogram $2 trilyon dola a, sa ki lage nan tchouboum espwa lidè Demokrat yo pou fè Sena a apwouve pwojè-lwa a anvan 25 Desanm, kidonk anvan vakans Nwèl la.

Schumer di, "Kit se reta, kit se nenpòt lòt bagay, anyen pa pwal anpeche nou kontinye chache mwayen pou n vanse. Nou senpman pa ka lage sa. Nou dwe e n ap kontinye lite pou fè yon bagay pou fami yo nan klas travayè a."

Chanm Reprezantan an deja apwouve yon tèks pou pwojè-lwa a. Schumer fè konnen Sena a pwal vote sou yon "tèks revize" pou pwojè a "e nou pwal kontinye vote jouk nou rive fè yon bagay."

Kek enfomasyon pou repotaj sa a soti nan Reuters.