Chita tande endirèk ant Iran ak Etazini pou sove akò nikleyè Teheran 2015 la avek pwisans mondyal yo rekòmanse madi 8 fevriye a aprè yon poz 10 jou, men anvwaye yo pa bay twòp detay pou konnen si wi ou non yo pi pre pou rezoud divès kesyon difisil yo.
Delege yo di yo fè pwogrè limite nan chita tande yo depi yo te rekomanse nan mwa novanm nan apre yo te kanpe pandan 5 mwa akoz eleksyon prezidan liy du iranyen an, Ebrahim Raisi.
Negosyasyon yo te akselere mwa pase a, men gen yon kantite pwoblèm enpòtan ki rete san solisyon e pwisans yo nan loksidan di pa rete anpil tan anvan avans nikleye Iran ke ako 2015 yo te bloke yo vin initil. Anvwaye yo te tounen lakay yo sa gen 10 jou pou yo chache konnen desizyon patwon politik yo pou yo te ka presipite bagay yo.
Nan moman otorite Iran, Etazini, Larisi, la Chin, la Frans, Almay Grand-Bretay ak Inyon Ewòp la kòmanse reyini nan divès mwayen madi ki sot pase a Li pat ko klè kounye a ki mezi pwogrè nenpot desizyon politik te favorize.