Politik

Chèf BINUH: "Yon Lis Sanksyon Kont Sitwayen Ayisyen Ap Soti Anvan Fen Ane a "

Nan yon entèvyou esklizif ak VOA Kreyol, Chèf Biwo Entegre Nasyonzuni pou Ayiti a, BINUH, Maria Isabel Salvador pale sou ensekirite a, jefo pou voye yon fos miltinasyonal an Ayiti, epi kriz fwontyè ak Repiblik Dominikèn nan.

Chèf Binuh an Maria Isabel Salvador fè konnen ke nan mwa Novanm lan on komite sanksyon ap remèt rapò li sou lis sitwayen ayisyen ke Nazyonzini dwe sanskyone.

Nan yon entèvyou li te bay jounalis VOA Kreyòl Jacquelin Belizaire, Madan Salvador fè konnen gen yon komite ki gen ladann plizyè ekspè nan sa ki gen rapò ak sanksyon ki ap travay sou dosye Ayiti a, pou yo konnen ki sitwayen ayisyen ki pral sibi sanksyon Nasyon Zini.

Gwoup ekspè a gen apreprè 8 mwa depi y ap travay sou dosye Ayiti an, dapre chef BINUH. Yo gen responsabilite pou analize e chèche enfòmasyon. Se reprezantan pèmanan Gabon ki nan tèt delegasyon sa a.

Yo gen pou remèt rapò yo nan mwa novanm k ap vini an.