O Kanada, ayisyen yo kontinye ap rive sou fwontyè peyi a pataje ak Lèzetazini. Nouvèl yo fè konnen genyen 2 otorite gouvènman ayisyen ki rive nan Kanada pou vin fè pwòp evalyasyon yo sou sityasyon imigran ayisyen yo kap kouri kite Etazini avan dat ekspirasyon Stati Pwoteksyon Tanporè (TPS) gouvènman ameriken te renouvle pou yo jiska mwa janvye 2018.
Yon fanmi ki di yo se ayisyen ki travèse fwontyè Etazini ak Kanada ki nan zòn Champlain, New York, kote yo rive devan polisye kanadyen yo kap poze yo kesyon. 3 out 2017.
2 responsab ayisyen yo se minis afè etranjè a, Antonio Rodrigue, ak minis ayisyen kap viv aletranje yo, Stéphanie Auguste.
Lavwadlamerik te pale ak jounalis Raymond Laurent ki fè konnen opozisyon politik la kritike Premye minis Justin Trudeau pou jan responsab federal yo ap jere dosye refijye yo.
Klike sou odyo a ki anba tèks la pou w tande entèvyou Reymond Laurent bay Lavwadlamerik nan mikwo Jacquelin Belizaire.
Your browser doesn’t support HTML5
Yon entèvyou Reymond Laurent bay Lavwadlamerik nan mikwo Jacquelin Belizaire