Yon jij nan peyi Brezil pase lòd pou ansyen prezidan Inacio Lula Da Silva rann tèt li bay otorite brezilyen yo nan vil Curiti, ki nan pati sid peyi a. Misye Lula, ki kandida pou pòs prezidan an, dwe komanse prije kondanasyon 12 zan prizon pou koripsyon.
Manda darè sa a tonbe kèk èd tan sèlman apre pi gwo tribinal peyi a vote ak 6 vwa kont 5 demand ansyen lidè brezilyen an te fè pou l pa ale nan prizon pandan santans li a an apèl.
La jistis te jwen msye Da Silva koupab ane pase dèske li ta resevwa kout lajan anba tab, lajan li te itilize pou repare yon apatman li posede bò lanmè an echanj li te ede yon konpayi konstriksyon jwen kontra nan men gouvènman an.