Administrasyon Biden nan soulaje kèk pami sanksyon li te enpoze kont petwòl Venezyelyen an nan kad jefò lap fè pou apiye negosyasyon ki fèk reprann ant gouvènman Venezyelyan an ak opozisyon an.
Depatman Trezo Etazini pral kite Chevron reprann pwodiksyon enèji "limite" nan Venezyela apre plizyè zane sanksyon ki te redwi anpilkantite petwòl ak lajan benefis gouvènman Prezidan Nicolas Maduro te konn fè sou lavant petwòl li a.
Pi bonè ane sa a, Depatman Trezò a te kite konpayi petwòl Chevron, ki gen katye jeneral li nan eta Kalifòni ansanm ak kèk lòt konpayi Ameriken fè kèk travo de baz pou asire pwi petwòl li yo kontinye fonksyone. Konpayi Ameriken yo opere pwi sa yo ansanm ak konpayi petwòl leta Venezyela, PDVSA.
Anba nouvo politik la, lajan benefis yo fè sou lavant petwòl la pral ede Venezyela re-peye lajan li dwe Chevron, olye li al jwenn PDVSA dirèkteman.