Prezidan Joe Biden siyen Pwojè-lwa Sou Otorizasyon Depans pou Defans Nasyonal la, yon sityati ki fè lejislasyon an tounen yon lwa imedyatman aplikab. Lwa sa a otorize dekesman 768 milya 200 milyon dola an depans militè; nan kob sa a genyen ogmantasyon salè pou manm fòzame Lezetazini yo pandan ane 2022 an.
Lwa sou Otorizasyon Depans pou Defans Nasyonal la prevwa yon ogmantasyon 5% nan depans militè yo pa rapò ak ane 2021 an. Lwa a se rezilta negosyasyon san pran souf ki te fèt ant palmantè demokrat ak palamantè repibliken sou divès kesyon, sòti nan refòm nan sistèm jistis militè a pou rive nan lit kont KOVID-19, tankou vaksinasyon pou sòlda ameriken yo.
Valè total kòb pou defans la reprezante tou yon ogmantasyon $25 milya dola sou lajan Biden te mande Kongrè a otorize. Kongrè a te rejte yon premye pwojè lwa akoz manm tou le 2 pati yo te pè pou sòm lajan ki te ladan l nan pa t minen jefò Etazini ap fè pou l rete o pa ak La Chin e ak La Risi.