Nan seremoni ki dewoule nan palè nasyonal la ak primati a, Prezidan pwovizwa ayisyen an, Jocelerme Privert, enstale nouvo Premye Minis la, Enex Jean-Charles, ak manm nouvo kabinè a.
Daprè yon nòt pou laprès ki sòti nan biwo kominikasyon primati a, sete yon okazyon pou Premey Minis sòtan an, Evans Paul, prezante yon kout bilan sou reyalizasyon administrasyon l la, epi pou nouvo Premye Minis la, Misye Jean-Charles, pran angajman solanèlman pou l fè fas ak devouman e pwofesyonalism ak difikilte ki asosye ak fonksyon li kòm chèf gouvènman an.
Your browser doesn’t support HTML5
NOUVEL AYITI POU MADI 29 MAS 2016 LA - VWA: MARIE-LUCE PIERRE & LYONEL DESMARATTES
Your browser doesn’t support HTML5
ENSTALASYON NOUVO PREMYE MINIS AYISYEN AN, LENDI 28 MAS 2016 LA - VWA: MARIE-LUCE PIERRE.
Anpil òm politik ayisyen -sitou manm palman an-- pran angajman pou yo reziste kont tout tantativ Prezidan Pwovizwa a, Jocelerme Privert, ta fè pou l rete sou pouvwa pandan plis tan pase sa Akò 5-6 Fevriye 2016 la prevwa a. Pami politisyen sa yo genyen Depite Jean Etienne ki reprezante sikonskripsyon Kap-Ayisyen an nan Chanm Bas la. Misye Etienne deklare:
“Menm jan mwen dispoze konbat nenpòt ki plan ki ta vle fè Prezidan Privert kite pouvwa a anvan dat 14 me 2016 la, se menm jan tou mwen pare pou m kontrekare nenpòt ki plan pou kenbe li nan palè nasyonal la yon jou aprè 14 me kap vini an.”
29 Mas 1987 – 29 Mas 2016: Ayisyen ap selebre 29èm anivèsè konstitisyon peyi yo a. Vrèmanvre jounen madi 29 mas 2016 la se anivèsè referandòm kote pèp ayisyen an te apwouve aktyèl konstitisyon nasyon an, ki genyen tou kòm non “Konstisyon 1987 la”. Chat Fondamantal sa a reflete panse majorite manm yon asanble konstityant ki te vle fè Ayiti divòse ak epòk Duvalier a epi plase peyi a sou wout demokrasi avèk, antwòt, eleksyon ki fèt regilyèman epi dwa sitwayen yo pou yo egzèse libète endividyèl yo san kè-sote. Pou nouvo konstitisyon an bani tip rejim diktatoryal ki te dirije peyi a pandan preske 30 lane, li elimine re-eleksyon imedya, sètadi yon Président de la République (Prezidan Repiblik la) pa kapab pase sou pouvwa 2 manda youn dèyè lòt. Nou pwopoze ou yon entèvyou Jacquelin Bélizaire reyalize ak Doktè Georges Michel, jounalis, ekriven, espesyalis an dwa e ansyen manm Asanble Konstitiyant ki te patisipe nan preparasyon Konstitisyon 1987 la.