Pandan wikenn Nwèl la, te gen divès rankont sosyal a karaktè kiltirèl pasi pala nan Dyaspora ayiyèn nan. Pami ranont sa yo, gen youn espesyalman ki te atire moun nan pati sid Eta Florid la: Sete yon sware kote yon pakèt timoun te pran randevou pou yo danse, chante nan Sant Kiltirèl Miramar la, yon banlye ki sitiye o nò vil Miama, pi presizeman nan Konte (Awondisman) Broward.
Sete 3èm edisyon yon randevou ak kilti peyi d Ayiti ki rele "KAMO D'ENFANTS" kote timoun yo tranpe lespri yo ak nanm yo nan sous eritaj yo, eritaj kreyòl ak karayib yo; paske majorite stil atistik yo te mete devan piblik la (sitou chante ak dans) se ekspresyon atistik e kiltirèl paran yo oubyen gran paran yo te konnen trè byen nan peyi natal yo.
2 òganizatè prensipal yo, Misye Hérold Emmanuel ak Madame Marie Sharma, fè konnen tout bagay te kòmanse an 2015 e objektif la sete anime kominote a nan peryòd fen d ane a avek yon spektak ki envite yo fè yon vwayaj dekouvèt ou redekouvèt kilti ak fòlklò peyi yo. Depi lè a, randevou sa a ant timoun ayisyen yo ak kilti kreyòl la ap pran plis fòs jiskaske, ane sa a (2017) li te pran yon dimansyon espesyal pou satisfaksyon timoun yo, manman yo ak papa yo, epi tout piblik la an jeneral.
Klike sou lyen anlè a pou w swiv yon repòtaj avèk Serge François Michel.
Your browser doesn’t support HTML5
KAMO d' Enfants