Abitan nan 4ème seksyon Mawotyè Depatman Nòdwès tombe amba gwo grangou ak sechrès nan dènye jou sa yo. La plui ki pa tombe depi plizyè mwa lakoz zanino pa jwenn zèb pou yo manje ak dlo pou yo bwè. Anpil, sous ki konn bay dlo yo seche dapre konsta korespondan VOA nan zòn nan.
Kazèk Ervilus Monmus lanse yon kri dalam nan direksyon pouvwa santral la patikilyèman bay Prezidan repiblik la Jovenel Moïse ak ONG yo ki nan peyi a pou vini an èd ak peyizan yo nan Mawotyè.
Kazèk Monmus kontinye poul di pwojè baraj sou flèv 3 rivyè ke divès otorite nan leta te pwomèt pou konstui e byen pa janm riev reyalize. Sete pito dapre kazèk beèl pawòl pou fè kapital politik kandida nan eleksyon pase yo. Kazèk Monmus ajoute pou l di, si wpojè sa a te reyalize tout bon vre se sèl mwayen ki tap amelyore kondisyon lavi moun kap viv nan ba Nòdwès.
Dapre korespondan VOA Kreyòl nan Pòdepè, Dieuseul Jr. Louis, dènye jou sa yo 4ème seksyon Mawotyè pa sèl rejyon ki frape pa fenomèn sechrès la.
Klike sou lyen odyo a pou w ka tande repòtaj Dieuseul ak deklarasyon Kazèk Monmus sou sechrès la nan Mawotyè.
Your browser doesn’t support HTML5
Yon repòtaj Dieuseul Jr. Louis sou sitiyasyon sechrès nan Mawotyè, Pòdepè, Nòdwès peyi Dayiti