Sandro Joseph (ansyen direktè ONA), Pierre Marcelin Jean Phillippe ( apantè), ak Pierre Hermann Remector ( notè) te prezante devan jij Mathieu Chanlatte ki te deside libere yo. Selon Jij Mathieu Chanlatte, tribinal la pran desizyon pou akite twa mesye yo akoz pa gen ase prèv pou kondane yo.
Nan dat 8 avril 2013, otorite lajistis yo an Ayiti te bay lòd yon tribinal fè yon jijman san asistans jiri pou ansyen direktè ONA ak 2 lòt mesye yo pou akizasyon ki te sou do yo zak yo tankou koripsyon, detounman fon, blanchiman lajan ak konplo kont leta ayisyen.
Korespondan Lavwadlamerik nan Pòtoprens Orpha Dessources te anrejistre deklarasyon Jij Mathieu Chanlate nan moman li t ap pwononse vèdik la nan tribinal la .
Klike sou lyen a anba atik la pou tande odyo a.
Your browser doesn’t support HTML5
Jij Mathieu Chanlatte nan mikwo korespondan Lavwadlamerik nan Pòtoprens, Orpha Dessources