Dout ap plonje sou posibilite pou Premye Minis nonmen an Jean Michel Lapin vin prezante politik jeneral li devan Sena a jedi 9 me 2019 la kap vini la apre komisyon an pa resevwa lis manm kabinè ministeryèl la lendi 6 me 2019 pase a.
Dapre nouvèl yo, komisyon an dwe etidye dosye manm kabinè ministeryèl la pou konnen si wi ou non yo kalifye. Prezidan komisyon Onondieu Louis fè konnen yo prèske konplete analiz yo sou dosye Premye Minis la.
Komisyon an te pwomèt pou l renmèt rapò a jedi 9 me a, menm jou Premye Minis nonmen an Jean Michel Lapin envite pou l prezante politik jeneral li devan gran kò a.