Magistra prinsipal komin Bassin Ble a, Anthony Maniguat, nan yon rankont ak laprès vandredi 22 mars 2019 kontinye mande èd leta santral pou asiste viktim kite gen kay yo kraze ak fisire nan tranblemanntè 6 oktob pase yo.
Majistra prinsipal la, ki te pale nan mikwo korespondan Lawadkamerik nan Pòdepè Dieuseul Junior Louis, fè konnen li etone devan yon tèl sityasyon. 6 mwa aprè yon katastrof konsa fin pasé jouk jounen jodi a viktim yo lage pou kò yo.
Depatman nodwès la ki gen ladan l 10 komin se kèk nan yo kite epanye de katastrof la e premye sitwayen komin Bassin Ble a di li swete otorite konsène yo di yon mo pou tout viktim ki te frape anba tranblemanntè 6 oktob la ak kay yo kite kraze e kilakoz anpil nan yo se kay zanmi ak fanmi yo pare dòmi yo.
Your browser doesn’t support HTML5
Yon repòtaj Dieuseul Junior Louis depi Pòdepè