Ayiti

Ayiti-Relasyon Entènasyonal: Aktivite yo Rekòmanse nan Anbasad Kanada a

  • Ekip Sèvis Kreyòl VOA

Yon aparèy Air Canada -yon Airbus A320-200- ki t ap prepare l pou l ateri nan ayewopò entènasyonal Vancouver a nan vil Richmond, Kolonbi Britanik, Kanada, 5 fevriye 2019. (Foto: REUTERS/Ben Nelms).

Anbasad Kanada a ann Ayiti, ki te fèmen akoz pwoblèm ensekirite ak mank gaz ki te genyen nan Pòtoprens, anonse aktivite yo rekòmanse nan misyon diplomatik la.
WASHINGTON, D.C. — 

Anbasad Kanada nan Pòtoprens pibliye sou kont Twitter li yon nòt kote li anonse reouvèti aktiviiteyo: “Apre yon demenajman tanporè, tout anplwaye anbasad Kanada a ann Ayiti retounen Pòtoprens. Operasyon regilye anbasad la rekòmanse lendi 29 novanm nan”.

Sa gen 2 semèn, "Global Affairs Canada" te raple pwovizwaman tout anplwaye kanadyen ki pa esansyèl ki t ap travay nan misyon diplomatik la, ansanm avèk manm fanmi yo.