Avoka Akizasyon yo mande jij kap prezide dosye kriminèl istorik Donald Trump la pou fè misye peye yon amann $3,000 kòm pinisyon pou mesaj li pibliye sou rezo sosyo yo ki vyole baboukèt jij la te enpoze.
Jij la te pase lòd pou Trump pa fè okenn komantè sou rezo sosyal yo ki gen pou wè ak temwen yo.
Pwosè a tanmen jodia nan Nouyòk e li make yon moman ekstraòdinè nan listwa peyi Etazini - se premye fwa yon ansyen prezidan janm fè fas ak yon pwosè kriminèl e se premye pami 4 enkilpasyon lajistis lanse kont Trump ki devan tribinal.
Yon dig dal moun pral eseye jwenn plas nan tribinal la nan moman pwosesis legal pou jwenn 12 manm jiri ak 6 altèrne tanmen.
Lajistis akize Trump dèske li te falsifye dosye biznis entèn li epi peye 2 fanm lajan anba tab nan kad yon konplo pou kache fèy kouvri repòtaj li te gen kè sote tapral gate chans li pou l ranpòte prezidans Etazini an 2016.