Ansyen direktè sekirite Twitter depoze yon plent ak responsab Ameriken yo kote li di konpayi an te bay kontwolè yo manti pa rapo ak sistèm defans rezo a kont pirataj ak pwoblèm fo kont. Nouvèl la parèt nan Washington Post epi CNN.
Chèf sekirite Twitter a, Peiter Zatko te jwenn revokasyon li pi bonè ane sa a. Li depoze plent la mwa pase a devan Komisyon Sekirite ak Echanj Etazini an, Komisyon Komès Federal la epi Depatman Jistis la.
Zatko pa reponn demann Associated Press fè pou komantè Madi, men li di Washington Post ke li te santi li gen "devwa etikal" pou'l di sa li konnen.