James Caan, aktè fanatik sinema yo sonje pou wol Sonny Corleone li te jwe nan film "The Godfather" mouri. Li te gen 82 zan. Pami lot wol popilè Caan yo te gen "Brian's Song" kote li te jwe yon jwè foutbol kap mouri epi "Las Vegas" kote li te jwe PDG yon kasino.
Manadjè misye, Matt DelPiano di aktè a mouri Mèkredi. Caan te vinn pa kontan ditou ak endistri sinema a nan ane 80 yo men li te deside retounen epi prezante tèt li bay yon nouvo jenerasyon lè'l te pran wol Walter, papa Buddy nan film "Elf" ki te gen kom vedèt komedyen Will Ferrell.
Apre sa misye te emèveye sinefil yo ak pèfomans li nan "Misery" an 1990, ke li te jwe ak aktris Kathy Bates.