Yon ansyen asistan aktris Amber Heard deklare li pat janm wè aktris la soufri okenn abi fizik anba men mari li, aktè Johnny Depp.
Sepandan, Kate James temwaye Jedi ke li sonje ke Heard te krache nan figi li lè li te mande yon ogmantasyon salè. Ansyen asistan an di aktris la te move kou kong epi sou kou pipirit souvan.
Akte Johnny Depp kanpe nan tribinal awondisman Fairfax la nan vil Fairfax, eta Vijini, Jedi 14 Avril 2022.
James di Depp pat konsa limenm. Li dekri aktè a ki gen renome pou wòl li nan film "Pirat Karayib la" te trè kalm e prèske timid - yon "gentleman nan stil gason ou konn wè nan Sid Etazini."
James te pale pa videyo-konferans e tribinal la te jwe temwayaj li pandan pwosè difamasyon aktè Johnny Depp ap mennen kont ex-madanm ni Amber Heard.