Plis pase 80 mesye la jistis Afrik di Sid akize nan vyòl 8 fanm epitou vòl ame yon ekip pwodiksyon videyo nan vil Krugersdorp, a lwès Johannesburg konparèt devan tribinal Lendi.
Yo te arete mesye yo nan yon minn abandone apre yo te vyole viktim yo epi piye ekip pwodiksyon an tou pre min nan ki pa fonksyone ankò.
Sispèk yo se swadizan minè ilegal ke yo bay non "zama-zama" ki konn al chache lò nan zòn Johannesburg kote ki gen anpil minn ki fèmen.
Sitwayen ki abite nan zòn nan di gang zama-zama yo responsab pou pakèt krim kap komèt nan zòn nan tou.
Lapolis di vyòl yo te fèt pandan yon ekip tap filme yon videyo mizikal nan youn nan minn ki abandone yo. Lapolis di nèg ak zam te debake sou yo Jedi epi atake yo.