Men denye devlopman nan peyi Afghanistan pou jodi 17 Out
- Vol evaksyasyon yo reprann nan ayewopo Kaboul la, yon jou apre eksplozyon ki fet sou perimet la, ki touye 13 milite Ameriken ak omwnes 90 Afghan.
- Otorite yo blame yon branch rejyonal gwoup teworis Eta Islamik la ke moun konnen sou non ISIS-Khorasan Province ou ISIS-K pou atak yo.
Devlopman 26 Out
- 2 eksplozyon fet tou pre ayewopo Kaboul la ki touye de douzen Afghan ak 13 milite Ameriken. De douzen Afghan blese e omwens 18 milite ameriken blese.
- Gwoup Eta Islamik, ke moun konnen sou non ISIS reklame responsabilite pou atak yo.
Your browser doesn’t support HTML5
Viktim Atak Sou Ayewopo Kaboul la Rive Lopital
- Prezidan Joe Biden semante Etazuni pral reponn kif-kif. "Nou pral jwenn ou kelkeswa kote ou ye, e nou pral fe'w peye konsekans yo," prezidan an deklare nan yon diskou nasyonal Jedi apremidi.
Your browser doesn’t support HTML5
'Nou Pap Janm Padone'w' Biden Menase Teworis ki Atake Ayewopo Kaboul la
- Jeneral Ameriken Frank McKenzie, ki se chef Komandman Santral Etazuni deklare vol evakyasyon yo pral kontinye e ke "ISIS pap anpeche nou atenn objektif nou".
- Etazuni, Anglete, Ostrali lanse avetisman pou di gen menas pou yo atak teworis fet nan ayewopo Kaboul la e yo di moun ki nan zon nan ta dwe chache yon kote su pou yo lage ko yo, pa rete nan zon ayewopo a.
- Mezon Blanch fe konnen Etazuni evakye apepre 100,000 moun depi 14 Out. Sekrete D'eta Blinken di gen yon afe de 1,500 Ameriken ki toujou nan peyi a.
- Ongri, Beljik, Poloy mete fen nan vol evakyasyon pa yo. La France di li gen entansyon fe denye vol li Vandredi 27 Out la.
- Vis Prezidan Etazuni Kamala Harris deklare jefo evakyasyon an "se yon misyon ki danjre e difisil, men fok nou kontinye pouse pou pi devan, e nou gen entansyon fe sa jan nou kapab."