WASHINGTON, DC —
Nan Afganistan, Prezidan sòtan peyi a, Ashraf Ghani, ranpòte, daprè tout aparans, yon 2èm manda 5 kan dapre rezilta preliminè ki sòti dimanch 22 desanm 2019 la pou eleksyon prezidansyèl 28 septanm pase a ki pwovoke gwo pawòl-anpil.
Prezidan Komisyon Elektoral Endepandan an, Madam Hawa Alam Nouristani, pibliye rezilta yo ke moun t ap tann depi byen lontan nan yon konferans pou laprès li bay nan Kaboul, kote li deklare Misye Ghani ranpòte 51% sou yon total yon milyon 800 mil vwa.
Madam Nouristani ajoute prensipal advèsè Prezidan Ashraf Ghani an, Chèf Egzekitif afgan an, Abdalah Abdalah, ranpòte 39,52% bilten yo. Madam Nouristani fini pa di lòt kandida yo pataje rès vòt yo.