Nan entèvansyon li sou Magik9 vandredi 21 fevriye pase a, Rosy Auguste Ducéna di desizyon Koudapèl anfavè 3 konseye ki gen non yo site nan dosye koripsyon BNC a se yon desizyon lach.
Responsab pwogram nan Rezo nasyonal k ap defann dwa moun yo (RNDDH) rapousib pou l di desizyon sa a pa ede ditou nan lit k ap fèt kont koripsyon nan administrasyon piblik la.
Mèkredi ki te 19 fevriye 2025 la, Koudapèl te baze l sou pozisyon 3 konseye prezidansyèl yo (Louis Gérald Gilles, Emmanuel Vertilaire ak Smith Augustin) pou l te anile manda ki egzije yo parèt devan tribinal « droit commun ».
