Depite Mike Waltz, ki sori Florid, ke Trump chwazi pou Konseye Sekirite nasyonal, te di pandan yon entèvyou mèkredi, prezidan eli a ap egzamine opsyon pou "kenbe" TikTok.
Waltz te fè kòmantè sa apre jounalis Fox News Bret Baier te kesyone l sou yon atik Washington Post ki di Trump t ap anvizaje yon dekrè pou anpeche aplikasyon yon lwa federal ki ta ka entèdi aplikasyon an pa pita ke dimanch.
Semenn pase a, Kou Siprèm nan te tande agiman yo nan yon pwosè kont lwa a. Se TikTok, konpayi matris li ki baze nan Lachin, ByteDance, ansanm ak itilizatè aplikasyon an ki te lanse aksyon legal saa. Jij yo te sanble panche anfavè lwa a.