Plizyè milye moun kouri kite kay yo nan moman dife sovaj ki devaste kèk katye nan Los Angeles tap fè ravaj.
Gen sa ki chape poul yo a pye, lot pran machin yo, epi lot rive sove gras ak asistans kèk bon Samariten.
Aaron Samson di Associated Press ke etranje pase pran li 2 fwa pandan li tap eseye sove ansanm ak bo pè li ki gen 83 zan. Yo te abite nan katye Pacific Palisades.
Misye di dezyèm fwa yon moun ede l se lè li tap mache nan lari ak bo-pè li ki tap mache ak baton pandan flanm dife tap boule sou 2 bo twotwa a.
Sheriece Wallace se yon lot sitwayen ki kouri kite Pacific Palisades. Li di li te pare poul lage ko li nan yon pisin pou sove tèt li lè yon vwazen te ofri pou ba l woulib.
Dife yo touye omwens 5 moun.