Gwo dife ratibwaze kay nan katye Pacific Palisades la nan Los Angeles, sa ki fòse anpil vedèt Hollywood, pami yo aktè Mark Hamill, aktris Mandy Moore epi aktè James Woods evakye kay yo.
Ponpye Kalifoni ap goumen pou etenn dife ki pran nan raje e ki vinn pi sevè akoz gwo van. Dife a detwi kay, bloke otowout epi koze plizyè dizèn milye sitwayen pou yo kouri kite kay yo. Otorite yo di resous yo prèske fin epuize nan moman dife a kontinye ap boule Mèkredi.
Your browser doesn’t support HTML5
Aktè Jimmy Jean Louis di Dife Sovaj ki Ravaje Kèk Pati Los Angeles Kreye yon 'Sityasyon Terib'
Yon ponpye travay pou etenn dife ki pran nan katye Pacific Palisades nan Los Angeles, Kalifoni, 7 Janvye 2025.
Katye Pacific Palisades la se yon zon ki sitye nan morn sou kòt Pasifik la. Gen anpil vedèt ki rete la. Djaz popilè Beach Boys te pale de katye sa a nan hit yo a "Surfin USA" ki te popilè anpil nan ane 1960 yo.
Nan gwo kouri pou chache sekirite, otowout yo te vin enpasab. Anpil otomobilis te oblije abandone machin yo epi kouri chape poul yo a pye, ak malèt nan men.