Gwo tanpèt sezon Ivè ki frape sant ak lès Etazini te lakòz omwen 5 moun mouri, kapital la, Washington, te a tou blanch, plizyè santèn vòl avyon te anile, epi li kite dèyè tanperati frèt nan madi.
Sèvis meteyolojik yo prevwa tanperati yo ap desann nan kèk kote jouk -18°C, ak gwo van fò nan pasaj premye tanpèt ane a ki te deplase "rapidman nan direksyon lès sou Oseyan Atlantik" lendi swa.
Pil nèj ki te deplase pandan jounen an soti nan eta santral yo pou ale nan sa ki nan kòt Lès la (Delaware, Maryland, Virginia, Distri Kolonbya), te lakoz anilasyon vòl, fèmti lekòl, ak aksidan sou wout yo.
Foto Achiv: Yon moun wetire nej sou eskalye kay li apre yon tanpet nej nan vil St. Louis, eta Missouri, 6 Janvye, 2025.
Plis pase 50 milyon moun te afekte, kote prèske 200,000 moun te toujou san kouran nan mitan nuit lan, sitou nan eta Virginia, pandan 2,300 vòl te anile e plizyè milye lòt te retade, selon sit Poweroutage.us ak FlightAware.
Senk moun te mouri nan aksidan ki gen rapò ak kondisyon terib nan eta santral Missouri ak Kansas, dapre otorite lokal yo.
"Wout yo rete danjre," se sa gouvènè Kentucky (santral-lès) Andy Beshear te avèti, li te mande moun yo pou yo pa sòti lakay yo.