Konsèy Prezidansyèl la revoke Dr Duckenson Lorthé BLEMA nan tèt ministè sante a.
Daprè Frantz Duval, redaktè an chèf jounal Le Nouvelliste, ki site yon sous nan Konsèy Prezidansyèl la jodi mèkredi 26 desanm 2024 la, Patrick Pélissier ap jwe wòl minis sante a annatandan yo nome yon lòt minis pou ranplase Duckenson Lorthe Blema nan tèt ministè a.
Desizyon sa a vini aprè atak bandi yo te fè sou lopital jeneral « ansyen minis » Blema te chwazi relouvri jou lendi 24 desanm nan. Atak sa lakoz : 2 jounalis ak yon polisye mouri; 9 moun blese pami yo 7 jounalis, laplipa nan jounalis sa yo blese grav.
Patrick Pélissier se aktyèl minis jistis ak sekirite piblik. Nan moman atik sa a ap ekri a poko gen okenn piblikasyon ofisyèl sou revokasyon Duckenson Lorthe Blema, bò kote otorite yo.