Sèvis sekirite Larisi a di yo te arete yon moun yo sispèk nan asasina jeneral wo grade a nan Moskou. Yo te dekri sispè a kòm yon sitwayen Ouzbek sèvis entèlijans Ikrenyen an rekrite .
Sèvis Federal Sekirite Larisi a oswa FSB pa t bay non sispè a men yo te di li te fèt nan lane 1995.
FSB te di nan yon deklarasyon Mèkredi sispè a te deklare li menm se sèvis espesyal Ikrenyen yo ki rekrite l.
Lyetnan Jeneral Igor Kirillov te jwenn lanmò l Madi akoz yon bonm ki te kache nan yon ti moto devan bilding apatman li nan Moskou.
Asasina sa te fèt yon jou apre sèvis sekirite Ikrèn te pote akizasyon kriminèl kont li.
Yon ofisyèl Ikrenyen te di se sèvis yo a ki fè atak la.