WASHINGTON —
Kou Siprèm Etazini pral tande agiman mwa pwochen sou konstitisyonalite yon lwa federal ki taka entèdi TikTok Ozetazini si konpayi Chinwaz ki se pwopriyetè li pa vann ni.
Jij yo fe konnen Mèkredi, yo pral tande agiman 10 Janvye sou si lwa a mete restriksyon sou libète la pawòl, sa ki ta yon vyolasyon Premye Amandman konstitisyon Etazini.
Lwa TikTok la, ke Kongrè a te apwouve nan mwad Avril la, fikse 19 Janvye kòm dat limit pou yo vann TikTok oswa fè fas ak yon entèdiksyon Ozetazini.
Rezo sosyal popilè a gen plis pase 170 milyon itilizatè Ozetazini. Li poko klè konbyen tan Kou Siprèm lan pral pran pou pwononse desizyon li.