Yon kriz AVC (accident vasculaire cérébral) koz lanmò ansyen Direktè enfòmasyon Radyo Televizyon Karayib la, Jean Gérin Alexandre, jou ki te jedi 12 desanm 2024 la.
Jean Gérin Alexandre te konn anime emisyon « Matin Caraïbes » yo. Li te konn prezante tou ribrik « Tout nouvèl Peyi Karayib yo » nan jounal « Premye Okazyon » ki pase chak maten.
Jounalis Michel Joseph ki te konn kotwaye Gérin te rann li omaj sou paj fesbouk li. « M ap toujou kenbe fraz sa w te konn repete a : ‘’Pa bliye sa, toujou gen pi gwo pwason nan fon lanmè a, men fòk ou gen kouraj pou w al chache l’’. Mèsi pou leson kouraj sa a ak odas sa a ».
Jean Gérin Alexandre mouri pandan l t ap pran swen lopital.