Konsèy prezidansyèl tranzisyon an nan peyi Dayiti fè konnen vòl komèsyal yo ap reprann a pati semèn sa nan yon kominike pou laprès ki pibliye jodi 11 desanm 2024 la.
« Aprè divès rankont, rezilta yo pa t pran tan pou tonbe, Federal Aviation Administration (FAA) pran desizyon pou leve entèdiksyon vòl sou teritwa nasyonal la. Nan sans sa a, Konsèy prezidansyèl tranzisyon an anonse vòl yo ap reprann a pati semèn sa a », se sa k ekri nan kominikasyon sila a.
Yon lòt bò, pandan otorite ayisyèn n yo anonse nouvèl sa a, jounal Miami Herald fè konnen FAA pwolonje entèdiksyon vòl komèsyal ameriken yo sou peyi a jiska 12 mas 2025.