Pandan tan sa Premye Minis Benjamin Netanyahu te al temwaye nan pwosè koripsyon men longè li a.
Izrayèl te demanti fòs li yo t ap avanse nan direksyon Damas. Dimanch twoup Izrayelyen yo te antre nan zòn tanpon ki te etabli apre lagè Mwayen Oryan an 1973 epi lame a te di yo ka deplwaye nan "plizyè lòt zòn ki nesesè pou defans (Izrayèl)".
Netanyahu te di tribinal la nan Tel Aviv akizasyon pou koripsyon, fwod ak vyolasyon konfyans kont li yo se "yon latriye non sans" e li te pwomèt vèsyon pa li ki prale kont dosye lajistis la.
Kritik yo akize l kòmkwa li te pwolonje lagè a nan Gaza epi li te ranvwaye yon akò seselfe a ki ta ka libere anviwon 100 otaj ki rete apre 14 mwa lagè ki te deklanche pa atak Hamas la 7 oktòb 2023.
Ofansif Izrayèl yo te touye plis pase 44,500 Palestinyen nan Gaza depi kòmansman lagè Izrayèl ak Hamas, dapre otorite sante lokal yo.
Yo di pifò moun ki mouri yo se fanm ak timoun men yo pa fè distenksyon ant konbatan ak sivil. Lagè a te kòmanse lè militan Hamas te dirije yo te atake sid Izrayèl, yo te touye anviwon 1,200 moun, sitou sivil, epi yo te kidnape anviwon 250, ki gen ladan granmoun ak timoun.