Moun toupatou nan mond lan orifye pa nouvèl ki fè konnen plis pase 180 moun -granmoun pou pifo - mouri anba bal yon chèf gang nan Waf Jeremie, ki tap tire revanj pou lanmò pitit li.
Sitwayen nan Pòtoprens di Reuters yo paka kwe pouvwa an plas la paka fè anyen pou anpeche zak terib konsa fèt.
Andre Dumel: "Jodia nou tande Mikano (chef gang Monel 'Mikano' Felix) nan Waf Jeremie touye plis pase 100 moun paske pitit li malad e ke se bòkò ki rann li konsa. Jodia, menm yon neg tankou premye minis la paka rete yo. Gang lan touye plis pase 100 moun. "
Manm Fos Zame d Ayiti fe patwouy nan zon nan pandan moun ap kouri kite kay yo apre zak vyolans gang Viv Ansanm yo te lanse nan Poste Marchand, 9 Desanm, 2024.
Dumel dekri lavi nan peyi d Ayiti tankou yon "lanfè". Li di yo pa dwe padone gang yo pou kalite zak sa yo.
"Se yon bagay kriminel: pitit gason w malad, ou se chef gang, oublame oungan pou maladi a epi ou touye plis pase 100 moun. Se yon lanfe, pa plis. Lapolis te dwe sekirize zon nan tou suit epi arete kriminel sa a. Epi kounyea gang lan ap mande padon? Ki padon ki genyen pou gang nan sosyete a? Mwen paka aksepte sa. Nou janti, nou pa gen zam, timoun mwen al lekol, mwen gen youn ki fek gradye."
Primati a pibliye yon mesaj sou kont ofisyel X li kote li kondane masak la, ke li dekri kòm "inimen". Primati di chef gang Mikanòr franchi yon liy wouj e ke leta pral mobilize fòs li yo pou trake epi kraze kriminel sa yo. Primati prezante senpati li tou bay viktim yo ak fanmi yo.
Sou-Sekretè d Eta pou Zafè Emisfè Oksidantal yo, Brian Nichols di sou X nouvel masak la choke l. Li mande kominote entenasyonal la ranfose sipò li pou misyon miltinasyonal ki an Ayiti a.
Sekrete Jeneral LONU, Antonio Guterres kondane ak fòs atak Waf Jeremie a. Stephane Dujarric se pòt pawòl li.
"Sekrete jeneral la mande otorite Ayisyen yo mennen yon bon jan anket epi asire yo trennen moun ki responsab pou zak sa a ak lot abi dwa moun ak vyolasyon devan la jistis."
Moun pote zafe yo pandan yap kouri kite kay yo apre zak vyolans gang Viv Ansanm lanse nan Poste Marchand, 9 Desanm, 2024.
Men moun Pòtoprens pa gen konfyans ke leta pral pran responsabilite pou jere ensekirite a.
Frantz: "Pwoblem ensekirite a, tout moun konnen l. Gade sakap pase Christ-Roi, sakap pase Nazon, gade sakap pase anba lavil. Ensekirite a toupatou."
Polis Nasyonal d Ayiti poko fe okenn komante piblikman sou ensidan Waf Jeremie a.
Kek enfòmasyon pou repòtaj sa a soti nan Reuters