Aprè 129 ka lanmò yo te konte pou ane 2023 a, Anthony Bellanger, sekretè jeneral FIJ la di li regrèt anpil paske « ane 2024 la se youn nan pi move ane yo ».
Responsab la denonse « masak sa a k ap fèt nan Palestin anba je tout mond lan ». Daprè FIJ, yo touye 55 pwofesyonèl k ap travay nan medya palestinyen yo pou ane 2024 la.
« Depi lè lagè a kòmanse nan dat 7 oktòb 2023 a, yo touye pou piti 138 jounalis palestinyen », sa ki fè teritwa sa a « se youn nan teritwa ki pi danje nan listwa jounalis modèn nan, dèyè Irak, Filipin ak Meksik », remak Federasyon an fè.
Anthony Bellanger di AFP nan teritwa sa a « anpil jounalis sible », menmsi gen nan yo « ki viktim konsekans gè a, yo se moun ki te twouve yo nan move kote a, nan move moman an ».
Aprè Mwayennoryan an, Azipasifik se zòn ki pi danje pou jounalis yo ak yon chif ki gen ladan 20 ka lanmò : 6 zak asasinay nan peyi Pakistan, 5 nan Bangladèch, 3 ann End.
Ann Ewòp, « lagè Ikrèn nan kontinye fè viktim sou kontinan an.
Gen 4 jounalis yo touye pandan 2024 la, Yo te touye 13 nan lane 2022 epi 4 an 2023 ».