Sekretè-Jeneral Nasyonzuni, Antonio Guterres kondane Lendi zak vyolans gang yo lanse pandan wikèn nan nan katye Waf Jeremi nan Site Solèy, ki te lakoz plis pase 180 moun pèdi lavi yo
Pot pawol sekretè jeneral la, Stephane Dujarric deklare pandan yon pale ak laprès jodia, ke Guterres mande pou "otorite Ayisyen yo mennen yon bon jan ankèt sou ensidan an pou asire ke tout moun ki responsab pou abi dwa moun sa yo ak vyolasyon konparèt devan lajistis."
Guterres re-itere tou apèl li te lanse bay peyi manm LONU yo pou kontribye sipo finansye ak lojistik pou ede fos miltinasyonal kap ede Ayiti jere zak vyolans gang yo. Li mande tou pou pati prenant Ayisyen yo akselere pwogrè tanzisyon politik la.
Korespondan VOA nan Nasyonzuni, Margaret Besheer, kontribye a repotaj sa a.