Nan yon nouvo plent ki depoze kont rapè P. Diddy dimanch 8 desanm 2024 la, rapè ak pwodiktè ameriken an, Jay-Z, gen akizasyon vyòl yon adolesant 13 zan sou do l.
Daprè enfòmasyon yo, Jay-Z (Shawn Carter) ak P. Diddy (Sean Combs) ta mare sosis yo ansanm pou komèt krim sa a nan yon fèt ki t òganize aprè yon sware MTV Video Music Awards, nan lane 2000.
Toujou daprè sa ki rapòte nan plent sa a, yon lòt selebrite, yo pa site non, te rete la ap gade Jay-Z ak konpayèl li P. Diddy ap vyole ti demwazèl la, youn dèyè lòt. Te gen yon bann lòt moun ki te la tou nan fèt sa a, men yo pa t fè anyen nonplis.
Jay-Z voye jete akizasyon sa yo nan yon kominike « maison de disques » li a, Roc Nation, pibliye sou rezo sosyal X.
P. Diddy li menm deja fèmen nan prizon aprè 120 moun ki viktim agresyon seksyèl anba men l. 25 nan moun sa yo te minè nan moman li t ap komèt zak sa a sou y