Palman Kore di Sid la vote pou defye prezidan peyi a epi leve san pèdi tan, deklarasyon lwa masyal li a.
Prezidan Kore di Sid, Yoon Suk Yeol deklare lwa masyal nan vil Seoul, kapital peyi a, 3 Desanm, 2024.
Prezidan Yoon Suk Yeol deklare lwa masyal nan peyi a Madi swa (le lokal) epi semante pou l elimine fos "anti gouvenmantal yo" ke li akize deske yo senpatize ak kominis No Koreyen yo.
"Mwen deklare an tout ijans lwa masyal pou defann Repiblik lib Kore di Sid la kont menas fos kominis No Koreyen yo epi dechouke patizan No sanwont yo ak fos anti gouvenmantal kap prive pep nou de libete yo ak ke kontan. Mezi sa a nesese pou sofgade lod konstityonel nou ak libete nou."
Imaj televizyon te difize an direk te montre solda ki gen kom misyon pou enpoze lwa masyal la k ap eseye antre nan bilding Asanble Nasyonal la. Yo te kraze brize vit yo antre.
Mezi Prezidan Yoon nan te fe tout moun sezi epi vekse paske sa raple yon epok kote lide kanson fe ki te dirije Kore di Sid te konn fe sa.
Videyo Reuters jwenn Mekredi montre lapolis k ap bouskile manifestan ki te rasanble devan palman Sid Koreyen an pou kondane deklarasyon prezidan an.
Sid Koreyen yo pa viv lwa masyal depi ane 80 yo e yo konsidere l tankou defi pi grav ki poze pou demokrasi peyi a depi ane 1980 yo.
Opozisyon an ak lide pwop pati konsevate Prezidan Yoon nan, Han Dong-hoon, ki te dozado ak prezidan an pou fason li jere skandal ki te pete sa pa gen lontan, te denonse l tou suit.
Lide opozisyon Lee Jae-Myung di kriz la se yon opotinite.
"Map rasire tout moun. Kriz se yon opotinite. Malgre peyi sa a kontinye ap fe bak, deklarasyon ilegal lwa masyal sa a pap lakoz nou plonje nan yon sityasyon ki pi mal. Se pito yon opotinite desiziv pou kraze sek visye a epi retabli yon sosyete nomal."
Dapre lwa peyi Kore di Sid, prezidan an oblije leve lwa masyal la tou suit si yon majorite palmante mande pou l fe sa.
Lamezonblanch di Biden o kouran de sakap pase nan Seoul.
Apre vot palman an moun te ka we kek solda ap ranmase paket yo epi kite palman an.
Enfomasyon pou repotaj sa a soti nan AP ak Reuters