Film "Moana 2" atire plis sinefil pase tout lot yo pandan wikèn Thanksgiving la. Li antre $221 milyon dola nan lavant biyè. Studyo sinema yo estime ke yo antre yon voum lajan gras ak popilarite film "Wicked" ak Gladiator II.
"Moana 2" bat tout prediksyon yo e li tabli yon nouvo reko pou kantite moun ki al gade yon film pandan wikenn Thanksgiving la.
Pandansetan, sesasyon film "Wicked" ki gen kom vedèt chantez pop popilè Ariana Grande, antre $117 mioyon. Gladiator II limenm antre $44 milyon.
Malgre endistri sinema a te ankiloze anpil akoz pandemi a, grev epi popilarite platfom streaming yo, ekspè yo konsidere rezilta wikèn nan kom triyonfan. Yo di sa montre film blockbuster Hollywood yo toujou gen pouvwa.