Jedi 28 novanm nan Peken anonse ke 3 sitwayen l ki te mal anprizone Ozetazini retounen Lachin , apre yon anons menm jan ofisyèl Ameriken yo fè konsènan 3 Ameriken ki te mal anprizone nan peyi Lachin.
Mèkredi, ofisyèl ameriken ki pat vle non yo site te anonse ke yo te negosye liberasyon 3 prizonye ke yo te trouve ki tap pije pèn prizon "enjis" nan peyi Lachin.
Dapre yon sous ki toupre zafè a, yo te negosye liberasyon Mark Swidan, Kai Li ak John Leung an echanj pou 3 sitwayen Chinwa yo te arete Ozetazini, ki gen idantite ki toujou rete sekrè.
Minis Afè Etranjè Chinwa a konfime jedi retou 3 sitwayen sa yo ki te jwenn arestasyon yo Ozetazini, san li pa bay plis detay.
Mao Ning, ki se pòtpawòl ministè Afè Etranjè Lachin an te di nan yon konferans pou laprès: "Gras ak efò infatigabl gouvènman Chinwa a, 3 sitwayen Chinwa, ki te nan prizon enjisteman nan Etazini, te retounen san danje nan peyi yo.