Prezidan Etazini Joe Biden gen 82 zan jodi Mèkredi 21 Novanm nan - ki se yon bagay istorik paske okenn chèf deta Ameriken poko janm gen laj sa a pandan li nan Mezonblanch la.
Prezidan Biden pat gen okenn evenman piblik sou kalandriye li Mekredi. Li fèk sot tounen Washington Madi swa, apre yon vwayaj nan Amerik di Sid.
Fanmi, zanmi ak kolèg - pami yo premye dam Jill Biden ak ansyen Prezidan Barack Obama te rann omaj ak Biden sou rezo sosyal yo.
Vis Prezidan Kamala Harris mete yon mesaj sou rezo sosyal X kote l di: "Jwayez Anivèsè pou zanmi cheri mwen ak prezidan enkwayab nou an, Joe Biden."
Biden te bay kous prezidansyèl la vag nan mwad Jiye a, an pati paske elektè yo te kwè li two granmoun pou l kontinye nan pos la. Gen moun tou ki te poze kestyon sou eta mental li apre li te bafouye pandan deba li kont Repibliken Donald Trump nan mwad Jyen an.
Trump, 78 an, te ranpote la viktwa sou kandida Demokrat la, Vis Prezidan Kamala Harris, 60 an, nan eleksyon 5 Novanm lan. Trump pral depase laj Biden genyen aktyèlman pandan nouvo manda li a. Misye ap gen 82 zan, 7 mwa lè pwochen trazisyon prezidansyèl la ap dewoule an 2029.